Quba rayonu 52 saylı seçki dairəsindən Milli Məclisə deputat seçilmiş Vahid Əhmədov son seçkilərdən sonra Quba şəhərində yerləşən ofisində seçiciləri ilə ilk görüşünü keçirib, vətəndaşları qəbul edib. Bu barədə Modern.az-a deputatın köməkçisi Arif Orucov məlumat verib.
Deputatın qəbulunda 57 nəfər rayon sakini olub. Qəbul zamanı əsasən sosial məsələlər, ev şəraitinin yaxşılaşdırılması və əmək mübahisələrinin həlli, işsizliklə bağlı problemlər qaldırılıb. Bir çox məsələlər yerindəcə həll edilib, icrası nəzarətə götürülüb. Həlli vaxt tələb edən məsələlər yazılı şəkıldə qəbul edilib, aidiyyatı təşkilatlara göndərilməsi üçün hazırlanıb.
Deputat köməkçisi bildirb ki, V.Əhmədovun seçicilərilə ən azı ayda bir qəbul günü planlaşdırılıb.
Modern.az
