Adam oğurluğuna görə 2005-ci ildən həbsdə olan Daxili İşlər Nazirliyinin sabiq əməkdaşı Hacı Məmmədovun ikinci arvadı Nailə Quliyeva azadlığa buraxılıb.
Modern.az saytı Gununsesi.info-ya istinadən xəbər verir ki, Nailə Quliyeva məhkumların saxlandığı 4 saylı Cəzaçəkmə Müəssisəsindən bu gün azadlığa buraxılıb.
Uzun illər Milli Təhlükəsizlik Nazirliyinin İstintaq Təcridxanasında saxlanılan DİN-in sabiq baş əməliyyat müvəkkili Hacı Məmmədovun ikinci arvadı olmuş Nailə Quliyeva amnistiya aktı ilə azad edilib.
Qeyd edək ki, Nailə Quliyeva 2005-ci ilin martında MTN-in “Qara kəmər” əməliyyatı zamanı həbs edilən DİN-in sabiq baş əməliyyat müvəkkili Hacı Məmmədova adam oğurluqları və qətllərdə yardım göstərib.
Modern.az