Rusiya prezidenti Vladimir Putin bu gün axşam Sankt-Pterburqda Fransanın keçmiş dövlət başçısı Nikolya Sarkozi ilə görüşəcək. Modern.az xarici mediaya istinadən bildirir ki, bu haqda jurnalistlərə Rusiya prezidentinin köməkçisi Yuri Uşakov məlumat verib.
Onun sözlərinə görə, iyunun 15-də axşam prezident özünün dostu Nikolya Sarkozi ilə qeyri-formal şam yeməyi süfrəsi arxasında görüşəcək.
O qeyd edib ki, protokol xrakterli olmayan görüşdə Rusiya-Fransa münasibətlərinin perspektivi, Yaxın Şərqdəki, o cümlədən Suriadakı situasiyaya toxunulacaq.
Uşakov əlavə edib ki, Putin və Sarkozi siyasi, ticarət-investisiya və mədəniyyət sahəsində iki ölkəni maraqlandıran məsələləri də geniş müzakirə edəcəklər.
Modern.az