Modern.az

Bakıya ikimərtəbəli qatarlar gətirildi

Bakıya ikimərtəbəli qatarlar gətirildi

Aktual

17 İyun 2016, 12:50

Bu günlərdə “Stadler Rail Group” şirkətinin «Stadler Minsk» zavodunda istehsal olunmuş KİSS markalı daha iki ədəd ikimərtəbəli elektrik qatarı Bakı sərnişin stansiyasına gətirilib. Bu haqda Modern.az saytına “Azərbaycan Dəmir Yolları”

 

Qapalı Səhmdar Cəmiyyəti mətbuat katibliyinin rəisi Nadir Əzməmmədov məlumat verib.

 O qeyd edib ki, bu, ölkəmizə gətirilən sayca beşinci qatardır.

 

“Stadler Rail Group” şirkətinin «Stadler Minsk» zavodunda istehsal olunmuş KİSS markalı elektrik qatarının birincisi 2015-ci ilin mayın 30-da, ikincisi isə isə mayın 31-də, üçüncüsü isə avqustun 20 -də Bakı sərnişin stansiyasına gətirilib.

 

Hər biri 4 vaqondan ibarət olan elektrik qatarlarında sərnişinlərin yüksəkkeyfiyyətli ictimai nəqliyyata artan tələbatını ödəmək üçün hər cür şərait var. Qatarın ümumi sərnişin tutumu 919 nəfər, oturaq yerlərin sayı 396, bunun da 84-ü biznes-sinfinə aiddir.

 

“Azərbaycan Dəmir Yolları” Qapalı Səhmdar Cəmiyyətində gələcəkdə də sərnişinlərin tam komfortlu və təhlükəsiz şəraitdə mənzil başına çatdırılması istiqamətində görülən işlər davam etdiriləcək.

 

Xatırladırıq ki, dəmir yolu nəqliyyat sisteminin modernləşdirilməsi üzrə «ADY» QSC ilə “Stadler Rail Group” şirkəti arasında artıq uzun müddətdir ki, danışıqlar aparılırdı.

 

13 may 2015-ci ildə Bakıda keçirilən «2015 TransCaspian» Beynəlxalq nəqliyyat, tranzit və logistika sərgisi çərçivəsində “Stadler Rail Group” şirkətindən KİSS markalı 5 ikimərtəbəli elektrik qatarınin alınması üzrə saziş imzalayıblar.

 

Gülşən RAUFQIZI

 

Instagram
Gündəmdən xəbəriniz olsun!
Keçid et
Ukrayna ordusu dəhşət saçdı: Rusiya ərazisi vuruldu