Ukrayna milli komandasının baş məşqçisi Mixail Fomenko Fransada keçirilən futbol üzrə Avropa çempionatı başa çatandan sonra postundan gedəcək.
Modern.az Ukrayna KİV-nə istinadən bildirir ki, 67 yaşlı mütəxəssis oyunçulara da Avropa çempionatının qrup mərhələsində Polşa ilə görüşün onun üçün millilərin baş məşqçisi kimi sonuncu olacağını elan edib.
Mixail Fomenko Ukrayna millisinə 2012-ci ilin dekabr ayından rəhbərlik edir və komandanı Avropa çempionatının final mərhələsinə çıxarıb.
Fransada keçirilən çempionatda Ukrayna millisi Almaniya və Şimali İrlandiya komandalarına hər iki oyunda 2:0 hesabı ilə məğlub olub. Bu səbəbdən Ukraynanın pley-off mərhələsinə çıxmaq şansı qalmayıb. Ukraynalılar son oyunu iyunun 21-də Marseldə Polşa millisinə qarşı keçirəcəklər.
Modern.az
