Dünya Azərbaycanlıları Assambleyası Təşəbbüs Qrupunun rəhbəri, Alman-Azərbaycan Mədəniyyət Evinin icraçı direktoru Rəşad Quliyev Almaniya Parlamentində (Bundestag) qəbul edilən qondarma “erməni soyqrımı” qətnaməsinin təşəbbüskarı olan Yaşıllar Partiyasının həmsədri Cem Özdemiri məhkəməyə verəcək.
Bu barədə Modern.az-a Dünya Azərbaycanlıları Assambleyası Təşəbbüs Qrupunun rəhbəri, Alman-Azərbaycan Mədəniyyət Evinin icraçı direktoru Rəşad Quliyev özü məlumat verib.
O, bildirib ki, Almaniyada fəaliyyət göstərən bir sıra hüquq mərkəzləri ilə məsləhətləşmə apardıqdan sonra C. Özdemiri məhkəməyə verməyi qəarar alıblar.
R. Quliyev bildirib ki, C. Özdemir Alman cəmiyyətinə yalan məlumat verdiyi, digər dövlətin daxili işlərinə qarışaraq milli zəmində münaqişə yaratmaq istədiyi, tarixi təhrif edib erməni yalanını “soyqrım” olaraq qəbul etdirdiyi, terroru müdafiə etdiyi üçün qanun qarşısında cavab verməlidir. C. Özdəmirdən üzr istəməsi, 5 avro təzminat ödəməsi tələb olunacaq.
Xatırladaq bu yaxınlarda Almaniya Parlamenti qondarma “erməni soyqrımı” qətnaməsi Yaşıllar Partiyasının təşəbbüsü idi. Partiyanın lideri Cem Özdemir miliyyətcə Türkiyədə milli azlıqlardan olan çərkəz etnik qrupuna aiddir. Bu Cem Özdemirin Türkiyəyə qarşı ilk addımı deyil. O, Türkiyədə PKK terrror təşkilatının siyasi uzantısı olan HDP-nin Almaniyada keçirilən konqresində də Türkiyəyə qarşı bir sıra ittihamlar səsləndirib.
Modern.az