Xudatın Şollar qəsəbəsində yerləşən 1 saylı uşaq bağçasında baş verən yanğın daha da genişlənərək yaxınlıqdakı evlərə keçib. Modern.az saytı "Report"a istinadən bildirir ki, nəticədə bağça ilə yanaşı yerli sakinlər Babayev Şükür Atabala oğlu, Dadaşov Yavər İbrahim oğlu və Mamedov Fərhad Qafar oğluna məxsus yaşayış evləri də yanıb.
Hadisə yerinə rayonun özündən 2, Xudat və Qusardan isə ümumilikdə 2 yanğınsöndürən maşın və canlı qüvvə cəlb olunub. Yanğın çətinliklə ram edilsə də, hadisə nəticəsində xəsarət alan olmayıb.
Modern.az