İyunun 20-də Xorvatiya parlamenti özünün buraxılmasına səs verib. Modern.az xarici KİV-ə istinadən bildirir ki, bu qərarın lehinə 151 deputatdan 137-si səs verib.
Spiker Jelko Rayner deyib ki, parlamentin qərarı iyulun 15-dən qüvvəyə minməlidir. Bundan sonra 60 gün müddətində yeni parlament seçkiləri keçirilməlidir. Seçkinin sentyabrın əvvəlində baş tutacağı gözlənilir.
Iyunun 16-da Xorvatiya parlamenti yarım ildən az hakimiyyətdə olan ölkənin baş naziri Tixomir Oreşkoviçi istefaya yollayıb. Bir gün əvvəl isə korrupsiya ittihamına görə, baş nazirin birinci müavini Tomislav Karamarko istefa verib.
Modern.az
