Türkiyə Televiziya və Radio Yayımı Şurası İstanbulun Atatürk Hava Limanındakı terror hadisəsi ilə bağlı təfərrüatların işıqlandırılmasına müvəqqəti qadağa qoyub. Modern.az saytı Türkiyə mediasına istinadən xəbər verir ki, qadağanın çaxnaşma və vəziyyətin gərginləşməsinin qarşısını almaq məqsədi ilə qoyulduğu bildirilir.
Qurumun bəyanatında qeyd olunur ki, terror aktları ilə əlaqəli şəxslərin müəyyənləşdirilməsi üçün partlayışların baş vermə məqamını, partlayışlardan sonrakı səhnəni əks etdirən kadrlar və dövlət qurumları işçilərinin işini əks etdirən bütün materiallar müvafiq rəsmi qurumlara təqdim edilməlidir.
Qeyd edək ki, son terror hadisəsi nəticəsində 28 nəfər ölüb, azı 60 nəfər yaralanıb.
Modern.az