Vyetnam Çinin bu gün başlatdığı hərbi təlimi dayandırmasını tələb etdi.
Modern.az xarici KİV-ə istinadən xəbər verir ki, Vyetnam Xarici işlər nazirliyinin sözçüsü Li Hay Bih Çinin Vyetnamın suverenliyini ciddi şəkildə pozduğunu bildirib.
O, həmçinin Vyetnamın təhdid kimi qəbul etdiyi Çin hərbi dəniz qüvvələrinin cənubi Çin dənizindəki təliminə qarşı çıxdığını deyib.
Li Hay Bih açıqlamasında "Vyetnam, Çindən, ölkənin suverenliyinə hörmət duymasını, məsuliyyətli davranmasını, təlimi dərhal dayandırmasını və Şərq dənizindəki təhlükəsizliyi təhdid edən və ya bölgədə təzyiqi yüksəldən hərəkətlərdən çəkinməsini tələb edir"- deyə xəbərdarlıq edib.
Qeyd edək ki, Çin Dəniz Təhlükəsizlik İdarəsindən bazar günü edilən açıqlamada hərbi dəniz qüvvələrinin 5-11 iyul tarixlərində hərbi təlim keçirəcəyi bildirilmişdi.
Mirmahmud KAZIMOĞLU
