Komissiya iyun ayında məruzəni açıqlayacağını bildirib
2011-ci ilin iyununda İrqçilik və dözümsüzlüyə qarşı Avropa Komissiyası Azərbaycana, Kiprə və Serbiyaya dair hazırladığı məruzəsini açıqlayacaq. Bu barədə Modern.az Avropa Şurasının rəsmi saytına istinadən bildirir. Müstəqil fəaliyyət göstərən komissiya üzvləri mənsub olduqları hökümətlər tərəfindən təyin edilib.
Adıçəkilən komissiya 1993-cü ildə Avropa Şurasına daxil olan dövlət başçılarının görüşü zamanı yaradılıb. Bu komissiyanın işi Strasburqda 1997-ci ildə yüksək siyasi dəstək alıb.
13 iyun 2002-ci ildə Avropa Şurasının Nazirlər Komitəsi komissiyanın yeni nizamnaməsini qəbul edib. Bu nizamnaməyə görə, komisisya müstəqil olaraq irqi ayrı seçkiliyə və diskriminasiyaya məruz qalmış insan haqları sahəsində monitorniq aparmaq səlahiyyəti qazanıb.
Qeyd edək ki, komissiya 2009-cu ildə Azərbaycanda olub. Komissiya üzvləri milli azlıqların yaşadığı cənub və şimal bölgəsində olublar və orada yaşayan azsaylı xalqların vəziyyəti ilə bağlı monitorinq aparıblar.
Modern.az