18-19 yanvar 2011-ci il tarixində Birləşmiş Ərəb Əmirliklərinin paytaxtı Əbu-Dabi şəhərində keçirilmiş İslam Konfransı Təşkilatı Parlament İttifaqının 13-cü plenar sessiyasında Türkdilli Ölkələrin Parlament Assambleyasının (TÜRKPA) müşahidəçi statusu ilə bağlı müraciətinə baxılıb. Siyasi komitənin verdiyi müsbət rəy nəticəsində müraciət plenar sessiyada səsverməyə çıxarılıb və yekdilliklə TÜRKPA İKT Parlament İttifaqına müşahidəçi statusu ilə qəbul olunub.
Bununla da TÜRKPA, Beynəlxalq Parlamentlər Ittifaqı, ATƏT Parlament Assambleyasından sonra 3-cü nüfuzlu təşkilat olaraq, İKT Parlament İttifaqı ilə əməkdaşlığın yeni mərhələsinə qədəm qoyub.
Modern.az