Türkiyə daxilində və xaricdə Fətullahçılarla əlaqədə olmaqda şübhəli bilinənlərin həbsi davam edir.
Modern.az-ın Türkiyə KİV-nə istinadən verdiyi xəbərə görə, hərbi çevrilişə cəhddə şübhəli bilinən iki türk general bu gecə Xarici İşlər Nazirliyinin (XİN) və Milli İstihbarat Təşkilatının (MİT) birgə yaradılmış operativ əməliyyat qrupu tərəfindən Dubay Hava limanında tutulublar.
Həbs edilən generallar Türkiyənin Əfqanıstandakı silahlı qüvvələrinin komandanı, general Cahit Bəkir və Kabildəki Tədris və yardım şöbəsinin rəisi, general Şener Topuçdur.
Ali rütbəli zabitlər Türkiyədə baş verən dövlət çevrilişi cəhdindən sonra Dubayda gizlənmək qərarına gəliblər.
Onlar bu sabah ekstradisiya yolu ilə Türkiyəyə təhvil veriliblər.
Ağa AKİFOĞLU