Azərbaycan Respublikası Mərkəzi Bankının İdarə Heyətinin qərarı ilə fəaliyyətdə olan “Birlikbank”ASC-nin lisenziyası ləğv edilib. “Birlikbank” ASC-yə bank əməliyyatlarının aparılması üçün verilmiş 30.06.1993-cü il tarixli, 154 saylı lisenziya “Banklar haqqında” Azərbaycan Respublikası Qanununun 16.1-ci, 16.1.8-ci, 16.1.9-cu və 16.1.18-ci maddələrinə əsasən ləğv olunub.
Həmin qərarla “Birlikbank” ASC-yə müvəqqəti inzibatçı təyin edilib. Müvəqqəti inzibatçı bankın yerləşdiyi müvafiq ünvanda fəaliyyət göstərir (Bakı şəhəri, Xətai rayonu, Nobel prospekti, 23).
Modern.az-ın məlumatına görə, Mərkəzi Bankın mətbuat xidmətindən bildirilib ki, 28 yanvar 2011-ci il tarixinə respublikada 44 bank fəaliyyət göstərir ki, onlardan 1-i dövlət, 43-ü isə kommersiya bankıdır.
Modern.az
