BBC-nin məlumatına görə, Misirin paytaxtı Qahirədə hazırda etiraz aksiyaları davam edir, Təhrir meydanında on minlərlə nümayişçi israrla prezidentin istefasının tələb edir. Bir həftəyə yaxındır davam edən nümayişlərdən sonra hakimiyyəti əldə saxlamağa çalışan cənab Mübarək istefa vermək istəmir.
Bu arada ABŞ prezidenti Barak Obama Misirdəki vəziyyəti müzakirə etmək üçün milli təhlükəsizlik rəsmilərilə görüşüb. Görüşdən sonra Ağ Ev bəyanat verib ki, Misirdə zorakılığa yol verilməməlidir. Ağ ev bəşəri hüquqları, siyasi islahatlara aparan konkret addımları müdafiə etməkdə davam edəcəyini bildirib.
Britaniya, Almaniya və Fransa liderlərindən də oxşar çağırışlar səslənib: "Biz Prezident Mübarəki silahsız insanlara qarşı zorakılıqdan istifadədən çəkinməyə, nümayişçiləri isə öz hüquqlarını sülh yolu ilə həyata keçirməyə çağırırıq".
Misirdəki son hadisələrdə 150 nəfər həlak olub, 2 min nəfər yaralanıb.
Modern.az
