Modern.az xəbər verir ki, parlamentin bu günkü iclasında Yeni Azərbaycan Partiyasının icra katibinin müavini Siyavuş Novruzov ənənəvi olaraq müxalifət düşərgəsindəki proseslərə münasibət bildirib. İctimai Palataya cəmləşən müxalifətçilərin qanun layhələri ilə bağlı apardıqları müzakirələrə istehza edən S.Novruzov qurumu “kölgədə qalan adamların kölgə kabineti” adlandırıb.
“İctimai Palatanın müzakirəsinə yalnız kommunal məsələləri vermək lazımdır. Bundan başqa onların müzakirə edəcəkləri məsələ mümkün deyil”-deyə YAP rəsmisi ironiya ilə vurğulayıb.
