Türkiyədə Fətullahçılara qarşı aparılan əməliyyat çərçivəsində daha 3 tanınmış şəxs həbs olunub.
Modern.az-ın xəbərinə görə, bu barədə Türkiyə KİV-i məlumat yayıb.
Məlumata görə, Kayseri şəhərində Fətullahçılara qarşı aparılan əməliyyatda hakim Ədalət və İnkişaf Partiyasından (AKP) olan keçmiş millət vəkili Əhməd Öksüz də saxlanılıb. O, AKP-dən 2014-cü il martın 30-da istefa verib.
Bu gün həbs olunanlar arasında 2014-cü il aprelin 17-də AKP-dən istefa vermiş, partiyanın Kayseri əyalət təşkilatının sədri Ömər Dengiz də var.
Digər saxlanılan şəxs isə və yerli Ticarət Palatasının başçısı, İngiltərənin Kayseridək fəxri konsulu Mahmut Hiçyılmazdır.
Ağa AKİFOĞLU
