Ədliyyə polkovniki Fikrət Qafarov Qobustan həbsxanasının rəisi vəzifəsindən azad edilib.
F.Qafarov Bakı şəhəri, Xəzər rayonunda yerləşən 2 saylı Cəzaçəkmə Müəssisəsinə rəis təyin olunub. O, 2 saylı Cəzaçəkmə Müəssisəsində Elçin Əlicanovu əvəz edib.
Modern.az-a daxil olan məlumata görə, Qobustan həbsxanasının rəisi vəzifəsinin icrası əvvəllər 12 saylı Cəzaçəkmə müəssisəsinin rəisi işləmiş Aftandil Ağayevə həvalə edilib.
Daha bir dəyişikliyə görə, əvvəllər 2 saylı Cəzaçəkmə müəssisəsinin rəisi olmuş Eyvaz Əsgərov 10 saylı Cəzaçəkmə müəssisəsinə göndərilib. O, hazırda burada rəis vəzifəsini icra edir.
Gülşən RAUFQIZI
