Rusiyanın İvanova şəhərində adam oğurluğunda və iki yaşlı Yananın amansız qətlində şübhəli bilinən azərbaycanlı qadın həbs olunub.
Modern.az saytı Rusiya KİV-nə istinadla xəbər verir ki, saxlanılan 24 yaşlı Gülxar Şirəliyeva belə bir cinayət törətmədiyini və təqsirkar olmadığını bildirib.
Gülxar Şirəliyeva deyib ki, evdən çıxıb mağazaya gedərkən onu saxlayıblar. O bildirib ki, öldürülən uşağın valideynlərinin dərdini bölüşür.
“Bu, pis hadisədir. Mənim də uşaqlarım var”,-deyə o qeyd edib.
İstintaqın versiyasına görə, Gülxar Şirəliyeva 2 yaşlı qızı oğurlayıb və onu amansızcasına qətlə yetirib. Məlumata görə, onun öldürdüyü uşaq ərinin nikahdankənar övladıdır.
Aqşin Kərimov