Paytaxtın Binəqədi rayonunda qəribə hadisə olub. Modern.az saytı Xezerxeber.com-a istinadən xəbər verir ki, 10 yaşlı uşağın 9-cu mərtəbədən atıldığı iddia olunur. Hadisə avqustun 26-ı axşam saatlarında Rəsulzadə qəsəbəsində baş verib.
10 yaşlı Aytən Mehdiyeva deyir ki, naməlum 1 kişi və 1 qadın onun ağzına keyləşdirici ilə isladılmış əsgi vuraraq evin qapısının ağzından götürüb 9-cu mərtəbəyə çıxarıblar. Yuxarı çıxan zaman o, anlaqlı vəziyyətdə olub.
Zərərçəkmişin sözlərinə görə, müqavimət göstərməsinə baxmayaraq onu 9-cu mərtəbədən aşağı atıblar.
Uşaq 1 saylı Şəhər Kiliniki Xəsətəxanasının cərrahiyə şöbəsinə çatdırılıb. Həkimlər onun həyatını xilas edə biliblər.
Uşağın atası Zaur Mehdiyev deyir ki, heç kimlə düşmənçiliyi yoxdur.
Faktla bağlı Binəqədi rayon Polis İdarəsində cinayət işi başlanıb, araşdırmalar aparılır.
Mövzu ilə bağlı daha ətraflı videomaterialı təqdim edirik:
Modern.az
