Quzey Kıbrıs Türk Cümhuriyyətində keçirilən I Türk Dünyası Gənclik Forumuna qatılan “Ortaq Dəyərlər” İctimai Birliyinin sədri, “Türküstan” qəzetinin baş redaktoru Aqil Camal və Demokratik Azərbaycan Naminə İctimai Birliyin sədri Elməddin Behbud qardaş ölkədə “Dialog” Televiziyasının qonağı olublar.
Televiziyanın “Gündem dışı” proqramında aparıcı Aybeniz Küzeçi Yıldırımın suallarını cavablandıran QHT rəhbərləri keçirilən forumun Türk dünyası üçün əhəmiyyyəti, türksoylu ölkələr və topluluqlar arasında inteqrasiya proseslərinin hazırkı durumu, Azərbaycan-Quzey Kıbrıs əlaqələri haqqında ətraflı danışıblar.
Torpaqları Ermənistan tərəfindən işğal olunmuş Azərbaycanın haqlı davasında qardaş ölkələrin dəstəyinin önəmini vurğulayan QHT rəhbərləri, işğal davam etdikcə bölgədə davamlı sülhə hər an təhlükənin qaldığını qeyd ediblər.
Modern.az