Qeyd edək ki, Nəcməddin Ərbakan 1970-ci ildə Milli Nizam Partiyasını qurub. 1971-ci ildə partiya bağlanıb. Bir il sonra o, Milli Salamatlıq Partiyasını yaradıb. Ərbakan uzun müddət siyasətdən kənarda qalandan sonra 1995-ci ildə seçkilərə qatılaraq millət vəkili seçilib. Bu seçkilərdə onun başçılıq etdiyi Rifah partiyası qalib gələrək hökumət qurmaq səlahiyyəti qazanıb. Bir müddət baş nazir postunu tutan Ərbakan sonra təzyiqlər nəticəsində istefa verməli olub və Rifah partiyası qadağan edilib. 2003-cü ildə yenidən aktiv siyasətə qayıdan Ərbakan Səadət Partiyasını yaradıb. O, Türkiyənin indiki prezidenti Abdullah Gül və baş nazir Rəcəb Tayyib Ərdoğanın müəllimi sayılır.
Modern.az