Modern.az

Vüqar Səfərli: "71 jurnalist müsabiqəyə yazı verib"

Vüqar Səfərli: "71 jurnalist müsabiqəyə yazı verib"

9 Mart 2011, 12:03

Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun 2011-ci il Novruz bayramı münasibətilə keçirdiyi fərdi jurnalist müsabiqəsinə yazı qəbulu martın 7-də başa çatıb. Bu barədə Modern.az saytına KİV-in İnkişafına Dövlət Dəstəyi Fondun icraçı direktoru Vüqar Səfərliməlumat verib. V.Səfərli bildirib ki, ümumilikdə fonda 71 yazı daxil olub, yazılar müşahidə şurasının üzvlərinə təqdim olunub və hazırda ekspertlər yazıları yoxlayırlar. İcraçı direktor deyib ki, müsabiqənin nəticələri martın 17-də elan olunacaq.

Həmin gün müsabiqənin qaliblərinin mükafatlandırma mərasimi "Sarı gəlin" restoranında olacaq.

Qeyd edək ki, KİV-in İnkişafına Dövlət Dəstəyi Fondunun 2011-ci il Novruz bayramı münasibətilə bu il fevralın 7-də élan etdiyi fərdi jurnalist yazılarının müsabiqəsi 7 istiqamətlərdə keçirilir. Müsabiqədə hər mövzu üzrə 3 qalib müəyyən ediləcək, 2 qalib yeri respublika ərazisində yayılan qəzetlərin jurnalistləri, 1 qalib yeri isə region mətbuatında çalışan jurnalistlər üçün nəzərdə tutulub. Hər mövzu üzrə maksimum 50 bal müəyyən olunur. 25-dan aşağı bal toplayan iştirakçı qalib ola bilməz. Qaliblər Fondun xüsusi diplomu və 1000 (bir min) manat məbləğində pul mükafatı ilə təltif olunacaqlar.

Mail Ağaxanov

 

 

Telegram
Hadisələri anında izləyin!
Keçid et
Ukrayna ordusu dəhşət saçdı: Rusiya ərazisi vuruldu