Milli Məclisin Mədəniyyət komitəsinin sədri Rafael Hüseynov Avropa Şurası Parlament Assambleyasının Mədəniyyət komitəsinin iclasında iştirak etmək üçün dekabrın 6-da Fransanın paytaxtı Parisə səfərə gedəcək.
Bu barədə Modern.az-a Milli Məclisin mətbuat xidmətindən məlumat verilib.
Məlumata görə, tədbirdə korrupsiyaya qarşı parlament nəzarəti, onlayn-media və jurnalistika, Avropada media azadlığı, jurnalistlərin statusu, milli azlıqlar və region dillərinin qorunması məsələləri müzakirə olunacaq.
İclasda millət vəkili müzakirə olunacaq məsələlər barədə öz fikirlərini bildirəcək.
Səfər dekabrın 11-də başa çatacaq.
Ağa AKİFOĞLU