Bakı şəhər İcra Hakimiyyəti Müsavat Partiyasının 12 mart aksiyası ilə bağlı müraciətini hələ cavablandırmayıb. Bu barədə Modern.az-a partiyanın Mərkəzi İcra Aparatının rəhbəri Arif Hacılı bildirib.
“Dünən axşam saatlarında Bakı şəhər İcra hakimiyyətinin şöbə müdiri Zaur Ramazanovla telefon əlaqəm olub. O bildirib ki, bu günün I yarısında bizim müraciətimizə cavab veriləcək. Amma hələlik bizimlə əlaqı saxlamayıb”-deyən Hacılı cavab gözlədiklərini deyib.
A.Hacılı onu da qeyd edib ki, Bakı Şəhər İcra Hakimiyyətinin keçiriləcək mitinqə icazə verməməsinə heç bir əsas yoxdur: “Hər halda bizim qərarımız istənilən halda ayın 12-də mitinq keçirməklə bağlı qərardır”.
Qeyd edək ki, bu gün cavab almaq üçün sonuncu gündür. Modern.az
