Paytxatın Binəqədi rayonunda irigövdəli ağac hərəkətdə olan avtomobilin üzərinə aşıb. Hadisə zamanı xəsarət alan olmasa da, nəqliyyat vasitəsinə ciddi ziyan dəyib. Modern.az saytı xəbər verir ki, “Xəzər xəbər”in məlumatına görə, hadisə günorta saatlarında paytaxtın Binəqədi rayonu Səttar Bəhlulzadə küçəsində baş verib. Zaur Ağayev idarə etdiyi minik avtomobili ilə hərəkətdə olarkən irigövdəli ağac maşının üzərinə düşüb.
Hadisə baş verən zaman sürücü avtomobildə tək olub. Xəsarət alan olmasa da, nəqliyyat vasitəsinə ciddi ziyan dəyib.
Ağac yolun hərəkət istiqamətinə düşdüyündən gediş-gəliş dayanıb və ərazidə tıxac əmələ gəlib.
Modern.az
