Dövlət Təhlükəsizliyi Xidməti (DTX) əməkdaşlarının keçirdikləri əməliyyat zamanı həbs olunan reket jurnalistlər son 10 ildə qeyri-qanuni fəaliyyətlə məşğul olub, müəyyən vəzifəli insanların uşaqları ilə bağlı qanunsuz çəkilişlər aparıblar.
Modern.az-ın məlumatına görə, bunu jurnalistlərə açıqlamasında DTX rəisi Mədət Quliyev deyib.
Onun sözlərinə görə, həmin şəxslər bu cür videogörüntülərlə həmin şəxslərdən pul tələb ediblər: "Bunula bağlı Dövlət Təhlükəsizlik Xidmətində cinayət işi qaldırılıb və məsələyə hüquqi qiymət veriləcək".
O həmçinin bildirib ki, DTX qısa müddət ərzində cinayətkarların, casusların məhv edilməsi ilə nəticələnən 4 əməliyyat keçirilib".
M. Quliyev qeyd edib ki, bu istiqamətdə Azərbaycanın xususi xidmət orqanları tək işləmir:
"Biz digər dövlətlərin təhlükəsizlik xidməti orqanları ilə birgə işləyirik, onlarla məlumat mübadiləsi edirik. Əməkdaşlarımız cinayətkar dəstələrin üzvlərini saxlayarkən silahlı müqavimətlərlə üzləşiblər və onların qarşısı qətiyyətlə alınıb".
Modern.az