Məşhur rusiyalı blogger Aleksandr Lapşin Belarusda saxlanılıb. Modern.az xəbər verir ki, Lapşin Azərbaycan tərəfinin sorğusu əsasında saxlanılaraq Minskin Pervomaysk rayonundakı bölməyə aparılıb.
Məlumata görə, blogger 2010-2011-ci illərdə Azərbaycanın işğal altındakı Dağlıq Qarabağ torpaqlarını qanunsuz ziyarət edib və buna görə Azərbaycan XİN-nin “qara siyahı”sına düşüb. Lakin 2016-cı ilin yayında Lapşin Rusiya pasportunu Ukrayna pasportu ilə əvəzləyərək Gürcüstandan Azərbaycana qatarla gəlib. Formula- 1 yarışlarını da izləyən rusiyalı “arzuolunmaz şəxs” daha sonra ölkəni tərk edib.
Faktla bağlı əlavə məlumat verilmir.
Vüqar İSMAYILOV