Modern.az

İtkin düşən uşaq tapılıb: "Məni diləndirdilər", Yenilənib

İtkin düşən uşaq tapılıb: "Məni diləndirdilər", Yenilənib

17 Dekabr 2016, 23:36

Bakının Əhmədli qəsəbəsində yerləşən 95 nömrəli orta məktəbin 3-cü sinif şagirdi, dünən saat 14.00 radələrindən itkin düşən Abbasov Amin Əbil oğlu tapılıb.

 

Modern.az saytı xəbər verir ki, 3-cü sinif şagirdi olan Amin AzNews.az-a onu dilənçilərin oğurladığını deyib: “Məni soyuqda diləndirdilər”.

 

Aminin anası bildirib ki, uşaq oynayarkən yanında 4 uşaq olan qaraçı qadın onu çağırıb və dünən bütün günü soyuqda diləndirib: “Uşaq o qədər soyuqda qalıb ki, eşitmə qabiliyyəti zəifləyib. Qaraçı qadın uşağın internetdə şəklini və axtarışda olduğunu görən kimi gətirib qapımızın ağzına qoyub. Hal-hazırda hüquq-mühafizə orqanları qadının kimliyini araşdırır”.

 

Modern.az

 

20:55

 

Bakının Əhmədli qəsəbəsində 10 yaşlı uşaq itib. Modern.az saytı xəbər verir ki, bu barədə Lent.az-a uşağın anası məlumat verib. Anası Arzu Abbasovanın sözlərinə görə, Amil günorta məktəbdən gəldikdən sonra həyətə velosiped sürməyə düşüb və bir daha geri qayıtmayıb: “Qardaşı da onunla olub. Lakin əli üşüdüyündən evə qalxıb. Amil isə həyətdə qalıb”.

Ailə bu barədə Xətai Rayon Polis İdarəsinin 34-cü polis bölməsinə məlumat verib.

 

Xətai Rayon Polis İdarəsinin 34-cü polis bölməsindən bildirilib ki, belə bir şikayət qəbul edilib: “Abbasov Amlin axtarışları paytaxtın bütün istiqamətlərində davam etdirilir”.

 

Amil Abbasov 95 saylı orta məktəbin 3-cü sinif şagirdidir.

 

Şəkildəki uşağı görənlərdən 34 saylı polis bölməsinə məlumat vermək və yaxud (055)563-60-11 nömrəsinə zəng etmək xahiş olunur.

 

Modern.az

Twitter
Sizə yeni tvit var
Keçid et
Hərbi gəmilər döyüşə hazır vəziyyətə gətirildi