Modern.az saytının xarici mətbuata istinadən verdiyi məlumata görə, Böyük Britaniyanın məşhur “Knight Frank” şirkəti ilə Amerikanın “Citibank”ı 2010-cu ilin ən zəngin 40 şəhərinin reytinqini müəyyən edib. Siyahıda ilk üçlükdə Nyu-York, London və Paris qərarlaşıb.
Reytinqdə Yaponiyanın paytaxtı Tokio 4-cüdür. 5-ci pillədə isə Amerikanın Los-Anceles şəhəri yer alıb. Dünya üzrə aparılan sorğuda Brüksel, Sinqapur, Berlin, Pekin, Toronto və Çikaqo siyahıda ilk 10-luqda göstərilib.
Türkiyənin İstanbul şəhəri 25-cidir. Dünyaca məşhur Dubay şəhəri reytinqdə 31-ci yerə layiq görülüb
Bununla yanaşı, Vaşinqton, Seul, Honqkonq, Frankfurt, Sidney, San-Fransisko, Bankok, Şanxay və Sürix kimi dünyaca məşhur şəhərlər isə ilk 20-likdə qərarlaşıb.
Siyahıda qeyd edilən digər şəhərlər bunlardır: Meksika, Moskva, Taypey, San-Paolo, İstanbul, Münhen, Buanes-Ayres, Qahirə, Mayami, Milan, Dubay, Boston, Təl-Əviv, Kuala-Lumpur, Boqota, Dehli, Rio-de-Janeyro, Cakarta, Mumbai və Johannesburq.
Qeyd edək ki, retyinqdə şəhərlərin iqtisadi durumu ilə yanaşı, digər göstəricilər də əsas götürülüb.
Modern.az
