Bu gün Bakıdakı "Sərhədçi” Olimpiya İdman Mərkəzində qadın voleybol komandaları arasında Çellenc Kuboku yarışlarının final mərhələsinin cavab görüşü keçirilib. Bakının “Azərreyl” və “Lokomotiv” klublarının görüşü 3:1 (30:28, 22:25, 25:13, 25:17) hesabı ilə başa çatıb.
Bu komandalar arasında bir neçə gün öncə keçirilən ilk oyunda “Azərreyl” 3-1 hesablı qələbə qazanmışdı. Təkrar final görüşündə də hadisələr oxşar ssenari üzrə cərəyan edib. Bu dəfə də rəqibini 3-1 hesabıyla məğlub edən “Azərreyl” Avropa Çelenc kubokunun qalibi adını qazanıb.
“Azərreyl” və “Lokomotiv” oyunu Azərbaycan Prezidenti İlham Əlyev və xanımı Mehriban Əliyeva da izləyib
