Sumqayıtda ölümlə nəticələnən yanğın hadisəsi qeydə alınıb. Modern.az Fövqəladə Hallar Nazirliyinin (FHN) saytına istinadən xəbər verir ki, hadisə Sumqayıt şəhəri, Kimyaçılar qəsəbəsində qeydə alınıb. Vətəndaşa məxsus ümumi sahəsi 30 kvadrat metr olan birmərtəbəli 2 otaqlı evin yanar konstruksiyaları 20 kvadrat metr sahədə yanıb.
Yanğının kəşfiyyatı zamanı 2011-ci il təvəllüdlü Vəliyev Mətləb Şahmar oğlunun yanmış meyiti aşkar olunub. Evin qalan hissəsi yanğından mühafizə olunub.
Modern.az