“Bu il qışın sərt keçməsi Bakı-Tbilisi-Qars layihəsində işlərin ləngiməsinə səbəb olub”.
Modern.az xəbər verir ki, bunu “Azərbaycan Dəmir Yolları” QSC-nin sədri Cavid Qurbanov deyib.
Sədr bildirib ki, bu il Qarsda 47-54 dərəcə şaxta olub. Bu səbəbdən də işlər yubanıb. Qarsda 80 kilometrlik yolun 27 kilometrinin üst yatağı artıq düzülüb”.
C.Qurbanov aprel ayında türkiyəli nazir Əhməd Arslanla görüşəcəyini də açıqlayıb:
“Bu il avqustun axırı, sentyabrın əvvəlinə kimi Qars yolunu aça bilərik. Bizə mane olacaq bir məsələ qalmayıb. Azərbaycan və Gürcüstan tərəfdə işlər demək olar ki, tam yekunlaşıb, işlərin təxminin 10-15 faizi icra olunmamış qalıb. Türkiyə tərəfdə isə tikini işləri hələ də davam edir”.
Gülşən RAUFQIZI
