Modern.az

Əsgər balama

Əsgər balama

3 Aprel 2017, 11:47

Akif Təvəkküloğlu

6 aprel 2016

Bir əlində bayrağım,

Canında ruhum, qanım

İrəli, mərd aslanım!

Dayanıbdı arxanda

Ucadan uca  dağım,

Ali Baş Komandanım!

 

Düşmənin bağrını yar,

Od ələ, tufan qopar,

Qərib düşən ellərdə,

Dalğalansın bayrağım,

Gül açsın bağça-bağım...

 

Bir  elin yarasını

Sağalt,  ey qəhrəmanım,

Dərdimin çarasını

Tap, ey mənim loğmanım,

Bunu səndən gözləyir,

Ana  Vətən torpağım,

Ali Baş Komandanım!

 

Şığıdın düşmən üstə,

Qoymadın göz  açmağa,

Tanrıdan  qüvvət istə,

Düşmən beli qırmağa.

Bunu əmr edir sənə,

Kəlbəcərim, Lacınım,

Ali Baş Komandanım!

 

Ey igid əsgər  balam,

Evim, eşiyim, qalam,

Düşmənə getsin bəlan.

Qolunun qüvvətindən

Yağı lərzəyə gəlsin,

Qoy vurduğun zərbələr

Onun qəlbini dəlsin!

Bunu deyir Füzulim,

Zəngilanım, Ağdamım

Ali Baş Komandanım!

 

Çıxart qılıncı qından,

Artıq dərd varmı bundan?

Torpaq yağı əlində

Düşmən atın belində

Atından sal düşməni.

Bil ki, qorxaq erməni,

Bir hay vursan qaçacaq,

Var-yoxunu satacaq...

 

Bir nərə çək, igidim,

İtilsin ilim-ilim

O mənfurlar, naxoşlar,

Bitsin dava-dalaşlar!

Vətən çağırdı səni

Müsəlləh  əsgər oldun!

Yardın dumanı, çəni,

Elin günəşi oldun!

 

Sevin, ey Ana  Torpaq!

Sevin, ey Ana Vətən!

Oğlun qələbə çaldı,

Xar oldu yağı düşmən.

Qoy gülsün Qarabağım!

Doğma Azərbaycanım!

Yaşa, şöhrətim, şanım!

Ali Baş Komandanım!

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir