Baş iqamətgahı Ankarada yerləşən Beynəlxalq Türk Mədəniyyət Təşkilatı – TÜRKSOY-un baş katibi Düsen Kaseinov “Türküstan” qəzetinin baş redaktoru Aqil Camala təşəkkür məktubu ünvanlayıb.
70 illik yubileyi münasibətilə “Türküstan” qəzetində yayınlanmış məqalə ilə bağlı təşəkkürlərini çatdıran D.Kaseinov qeyd edib ki, rəhbərlik etdiyi təşkilatın fəaliyyətində Azərbaycanın özünəməxsus yeri var:
“Beynəlxalq Türk Mədəniyyət Təşkilatının baş katibi kimi çalışdığım müddətdə Azərbaycanla bağlı çoxsaylı tədbirlər keçirilmiş və ümumtürk mədəniyyətinin ayrılmaz parçası olan Azərbaycan mədəniyyəti və incəsənəti dünyanın mötəbər beynəlxalq təşkilatlarında və çeşidli ölkələrində nümayiş etdirilmişdir”.
Məktubda TÜRKSOY-la Azərbaycan arasında yaranmış gözəl münasibətlərin gələcək illərdə də davam edəcəyinə əminlik ifadə olunur.
Modern.az
