Türkiənin Ankara şəhərində Azərbaycan Cümhuriyyətinin qurucusu M.Ə.Rəsulzadənin nəvəsi,Azərbaycanın əməkdar rəssamı Rəis Rəsulzadənin böyük rəsm sərgisi keçirilib.
Modern.az xəbər verir ki, sərginin əsas təşkilatçısı “Yerli Düşüncə” dərnəyi olub.Bu dərnəyin Başqanı Türkiyə Böyük Millət Məclisinin üzvü,Ordu millət vəkili Mətin Gündoğan, dərnəyin Fəxri Başqanı isə Türkiyə Cümhuriyyəti Cümhurbaşqanının Başməsləhətçisi Yalçın Topal bəydir.
Ankrada Mustafa Ayaz fondu Sərgi salonunda “Bir dünya rəssamı Rəis Rəsulzadə” adlı sərginin izdihamlı açılış mərasimi oldu.Mərasimdə Türkiyənin dövlət rəsmiləri, yaradıcı sənətkarlar və Türkiyə mediasının təmsilçiləri iştirak ediblər. Türkiyə Cümhurbaşqanını Yalçın Topal bəy sərginin qırmızı lentini kəsdi və sərgi iştirakçılarına rəssam haqqında məlumat verdi. Açılış mərasimində millət vəkili Mətin Gündoğan, Azərbaycan Kültür Dərnəyinin Başqanı Cəmil Ünal,”Məhəmməd Əmin Rəsulzadə” Mərkəzinin Sədri Nəsiman Yaqublu və digərləri iştirak etmişlər. 5 günə qədər davam edən sərgiyə çoxlu sayda qonqlar gəlmiş və R.Rəsulzadənin “ Günəşli gün”, “Yasəmən”,”Köhnə Bakı”, “Kənddə”,”Kür balıqçısı” vəs.kimi maraqlı əsərlərinə baxılıb.
Sərginin açılış mərasiminin axşamı Ankaranın “İç Qala” otelində Rais Rəsulzadənin və babası M.Ə.Rəsulzadənin həyat və fəaliyyətinə həsr edilmiş konfrans keçirilib. Konfransda Cümhurbaşqanı Başdanışmanı Yalçın Topal, millət vəkili Mətin Gündoğan,Mə.Rəsulzadə irsinin tədqiqatçısı. Tarix elmləri doktoru Nəsiman Yaqublu çıxış ediblər. Sonda R.Rəsulzadə toplantı iştirakçılarına təşəkkürlərini bildirib.
Sərginin açılışının ertəsi günü M.Ə.Rəsulzadənin “Əsri “ məzarıstanlığındakı qəbri ziyarət edilmiş,gül dəstələri qoyulmuş, Türkiyə və Azərbaycan bayraqları dalğalandırılıb.
Modern.az