2017-2018 mövsümünün transfer çalışmalarını davam etdirən “Qəbələ” heyətini daha bir futbolçu ilə gücləndirib.
Klubdan Modern.az-a verilən məlumata görə, fransalı Stiven Jozef-Monroz yeni mövsümdən komandanın şərəfini qoruyacaq. 27 yaşlı yarımmüdafiəçi ilə 2 illik müqavilə imzalanıb.
Sağ cinah vingeri kimi çıxış edən Jozef-Monroz “Bondi”, “Lievin” və “Lans” klublarının yeniyetmə və gənclərdən ibarət komandalarında çıxış edib.
2008-ci ildə peşəkar karyerasına başlayan futbolçu “Lans”, “Şatoru", “Kortriyk” və “Genk”in şərəfini qoruyub. Jozef-Monroz son olaraq 2015-2017-ci ildə Fransada “Brest”də oynayıb. Yarımmüdafiəçi 2007-2012-ci illərdə ölkəsinin milli komandalarına cəlb olunub. Stiven Fransanın U-18, U-19, U-20 və U-21 yığmalarının şərəfini qoruyub.
Modern.az
