Qızılağac Dövlət Təbiət Qoruğunun ərazisində baş verən yanğın söndürülüb. Modern.az APA-ya istinadən xəbər verir ki, qoruqda günorta saatlarında başlayan yanğın Masallı və Lənkəran rayonlarının qoruğa aid ərazisində 50 hektardan artıq ərazini əhatə edib.
Ərazidə Fövqəladə Hallar Nazirliyinin Masallı, Cəlilabad və Lənkəran yanğından mühafizə hissələrinin avtomaşınları və xeyli sayda canlı qüvvəsinin köməkliyi ilə yanğın lokallaşdırılıb.
Hadisə zamanı qoruq ərazisində əsasən quru ot, kol-kos və yabanı bitkilər yanıb.
Modern.az
