Ötən gün Azərbaycan Texniki Universitetinin idman zalında ümumi təhsil müəssisələrinə mərkəzləşdirilmiş qaydada keçirilən müəllimlərin işə qəbulu üzrə müsabiqənin test mərhələsi keçiririb.
İmtahan zamanı hansısa neqativ hal aşkarlanıbmı?
Təhsil Nazirliyinin mətbuat xidmətinin rəhbəri Cəsarət Valehov Modern.az-a bildirib ki, imtahan zamanı heç bir neqativ hal aşkarlanmayıb.
“ İmtahan keçirilən zallar kamera ilə müşahidə olduğu üçün köçürməyə cəhd edən olmayıb. Bundan başqa da imtahana telefon və digər vasitələr keçirmək istəyənlər qeydə alınmayıb”.
Azərbaycan Texniki Universitetinin idman zalında keçirilən imtahanda 4 min nəfərə yaxın şəxs imtahan verib.