Yaponiyada yenidən güclü zəlzələ olub. Modern.az xarici mediaya istinadən xəbər verir ki, yeraltı təkanlar ölkənin şimal-şərqində qeydə alınıb. Ölkənin meteoroloji idarəsinin məlumatına görə, 5,5 bal gücündə zəlzələnin episentri İbaraki prefekturasında, 10 kilometr dərinlikdə yerləşib.
Məlumata görə, sunami təhlükəsi elan edilsə də, zəlzələdən bir neçə dəqiqə sonra xəbərdarlıq ləğv edilib. Hələlik dağıntı və ya tələfat barəsində məlumat verilmir.
Modern.az
