Cüdo üzrə ikiqat olimpiya çempionu, Azərbaycan millisinin sabiq baş məşqçisi Peter Zayzenbaxer həbs olunub. RİA “Novosti” xəbər verir ki, o, 2000-ci illərin əvvəllərində Vyanada məşqçilik etdiyi dövrdə iki azyaşlı qıza qarşı cinsi təcavüzdə ittiham olunur.
Azərbaycanda da iş təcrübəsinə malik olan avstriyalı mütəxəssisin rəhbərliyi altında cüdoçularımız 2016-cı ilin Olimpiadasında iki gümüş medal qazanmışdı.
2016-cı ilin dekabrında axtarışa verilən pedofil məşqçi iyulun 31-də günorta saatlarında Kiyevdəki evində həbs olunub.
Vyana Dövlət prokurorluğunun məlumatına görə, 1997-2004-cü illərdə Zayzenbaxer 14 yaşına çatmamış iki qız uşağına təcavüz edib. 56 yaşlı mütəxəssisin günahı sübuta yetirilərsə, onu 10 illik həbs cəzası gözləyir.
Yeri gəlmişkən, Zayzenbaxer ardıcıl iki olimpiadada (Los-Anceles – 1984, Seul - 1988) qızıl qazanan ilk cüdoçudur. (virtualaz.org)
