Bakıda “Mersedes-Gelandawagen” avtomobili ilə iki nəfərin ölümü və iki nəfərin yaralanmasına səbəb olmuş Nail Alllahverdiyevin maşın kolleksiyasının təxmini qiyməti hesablanıb.

Modern.az-ın məlumatına görə, iqtisadçı Qubad İbadoğlu bildirib ki, bu kolleksiyasını yaratmaq üçün hazırkı orta aylıq əmək haqqı ilə ən azı 326 il, ən çoxu isə 464 il işləmək lazımdır:

Q.İbadoğlu Baş nazirin müavini, Qaçqın və Məcburi Köçkünlərin işi üzrə Dövlət Komitəsi sədrinin nəvəsinin kolleksiyasına daxil olan avtomobillərin qiymətlərini təqdim edib:

1. Mercedes G Wagon Brabus 
Qiyməti 138.200 Avrodan (276400 Manatdan) 474.810 Avroyadək ( 949620 Manatadək) 

2. Mercedes G 65 AMG - Qiyməti 218.000 ABŞ dollarıdır. ( 370.000 Manatdır)

3. Mercedes-Benz SLS AMG - Qiyməti 201.500 ABŞ dollardır (342.550 Manatdır)

4. Mercedes-Benz AMG GT S - Qiyməti 110.000 ABŞ dollardan (187.000 Manatdan) 130.000 ABŞ dollaradək (221.000 Manatadək)

5. Aston Martin -  Qiyməti 196.086 ABŞ dollarıdır (333.346 Manatdır)

6. Porsche Cayenne - Qiyməti 53900 ABŞ dollarından (91.630 Manatdan) -79.995 ABŞ dollarıdır (135.991 Manatdır)

7. Audi Q-7 - Qiyməti 57.998 ABŞ dollarıdır (98.596 Manatdır)

8. Bentley Continental GT - Qiyməti 198.500 ABŞ dollarından (337.450 Manatdan) 263.400 ABŞ dollarınadək (447.780 Manatadək)

İqtisadçı bildirib ki, 8 avtomobilə xərclənən vəsait ən azi 2 milyon 36 min 972 manatdır:

“Bizə məlum olan avtomobillərdən ibarət kolleksiyasını yaratmaq üçün hazırkı orta aylıq əmək haqqı ilə ən azı 326 il, ən çoxu isə 464 il işləmək lazımdır.
Bu məbləğ hesabına ən azı 56 min 582, ən çoxu isə 80 min 524 məcburi köçkünə yaşayış ehtiyaclarını və kommunal xərclərini ödəmək üçün ayrılan aylıq yardımı 2 dəfəyədək artırmaq olar.
Bu məbləğ hesabına ən azı 1697, ən çoxu isə 2451 tələbəyə 1 il ərzində ayda 100 manat təqaüd vermək olardı”.