Arxiv
5 Sentyabr 2009, 12:29 | MÜSAHİBƏ
Ramiz Abutalıbov: “Heydər Əliyev Fondunun Moskva filialı çox böyük işlər görür”

Ramiz Abutalıbovun təqdimata ehtiyacı yoxdu. Uzun illər YUNESKO-nun rəhbərliyində çalışan bu soydaşımız indi  təqaüddədir və Moskvada yaşayır. Vaxt tapan kimi qısa müddətdə Azərbaycana gəlır. Bu dəfəki gəlişində  o, Modern.az-ın qonağı oldu. Fürsətdən istifadə edib tanınmış ictimai xadimə bir neçə sualla müraciət etdik.

-        Uzun illərdir Moskvada yaşayırsınız. Oradakı Azərbaycan diasporunun fəaliyyəti sizi qane edirmi və diaspor təşkilatları ilə necə işləyirsiniz?

-        Son 5 ildə Moskvada Azərbaycanla bağlı 40-a yaxın kitab çap olunub və onların 12-də təşəbbüskar, iştirakçı olmuşam. Bu kitablara misal olaraq, Aydın Balayevin “Fevral inqilabı və əyalətlər. 1918-ci il mart hadisələri”, Çingiz Hüseynovun “Bitməmiş məktub”, İlqar Məmmədovla Tofiq Musayevin “Erməni -Azərbaycan münaqişəsi: tarix, hüquq, vasitəçilik”i göstərə bilərəm. Əlavə olaraq qeyd edim ki, mənim Parisdə “İllər və görüşlər” , “Özgələr yanında doğma, doğmalar yanında özgə” adlı məqalələrim dərc olunub. Qeyd edim ki, Moskvada Azərbaycanla bağlı kitabların çap edilməsində Heydər Əliyev Fondunun  Moskva filialı çox böyük işlər görür. Eləcə də Moskvadakı iş adamları olan soydaşlarımız bu işdə kömək edirlər. Bilirsiniz, Avropa və Amerikaya baxanda Moskvada təbliğat daha güclüdür. Çünki uzun illər bu şəhər bizim də tərkibində olduğumuz keçmiş SSRİ-nin paytaxtı olub, dil yaxınlığımız var, əlaqələrimiz genişdir. Moskvaya Bakıdan gedib-gəlmək də çox rahatdır. Bunların hamısı diasporun fəaliyyəti üçün əsas amillərdir. Moskvada “Ocaq” Azərbaycan Mədəniyyət Cəmiyyəti var və mən də onun işlərində daha yaxından iştirak edirəm. Əsas fəaliyyətimiz Azərbaycan tarixi ilə bağlı yerli əhalini və həmyerlilərimizi müxtəlif  istiqamətlərdə maarifləndirməkdir.  Sonda bir şeyi də qeyd edim ki,  Rusiyada ən güclü diaspor Azərbaycan diasporudur.

-        Azərbaycanın dünya səviyyəsində təbliği sizi qane edirmi, bununla bağlı hansı təklifləriniz var?

-        Bu gün Azərbaycan daha çox dünyaya öz kitabları və mədəniyyəti ilə çıxa bilir. Əvəllər hər hansı bir azərbaycanlı müğənnin  Avropada yaşayan həmvətənlisinə konsert verməsi mümkün deyildi. İndi bu sahədə heç bir problem yoxdu. Nə təklif edə bilərəm, fəaliyyətimizi daha da genişləndirməliyik və bu sahəyə maddiyatı gücləndirmək lazımdır. Çünki bu gün, məsələn, bir çox kitabın çap olunub dünyada yayılması üçün maliyyə çox vacibdir.

-        Ramiz müəllim, bu günkü gənclərin səviyyəsini necə qiymətləndirirsiniz va onlara nəyi tövsiyyə edərdiniz?

-        Adını unutduğum bir müdrik deyir ki, “insan ömrünün birinci yarısında yaşlıları tənqid edir, ikinci yarısında isə gəncləri”. Azərbaycan gəncliyi öz tarixini və tarixi şəxsiyyətlərini tanımalıdır. Gənclik bilməlidir ki, ümumbəşəri dəyərlər digər ölkələrdən daha çox bizə əzizdir. Bizim tarixi Azərbaycan Demokratik Cümhuriyyətini hər zaman təbliğ etmək lazımdır. Məsələn, mən yaxın zamanlarda bilmişəm ki, 1918-ci ildə ADR elan olunmamışdan əvvəl Şaumyanın dəstəsi ilə ADR-çilər arasında Göyçay yaxınlığında döyüş olub. Döyüşü biz qazanandan sonra Tiflisə xəbər gödərilib ki, artıq ADR-i elan edə bilərik. Amma bir şeyi də deyim, gənclərə bunların zorla öyrədilməsini istəmirəm. Rəsulzadəni hər kəs özü tapmalıdır. Bir də bizim gəncliyin formalaşmasında müxtəlif amillər var ki, bunları qeyd etmək istərdim. Məsələn, “Elin dərdinə qalan kor olar” fikri. Burdan belə çıxır ki, heç kəs elinin dərdinə qalmasın. Mən bu atalar sözünün əleyhinəyəm. Uşaq vaxtı anam deyirdi ki, erməni və yəhudiləri döyməyin, çünki onların şahları olmayıb. Amma bizim Şah Abbasımız olub. Tarix boyu İran kimi bir ölkə ilə daim sərhəddə yaşamaq və onların əsarətində olmaq bu gün özünü büruzə verir. Bundan əlavə, Azərbaycanda kitablar çox bahadır və  kitaba marağın azalmasının bir səbəbi də budur. İstərdim ki, gənclərə kitab oxuma mədəniyyəti hər zaman təbliğ edilsin.

-        Təqaüdə çıxanda demisiniz ki, ADR-lə bağlı sizdə olan araşdırma arxivini milli arxivə verəcəksiniz. Bunu etdinizmi və hələ də heç kəsə vermədiyiniz materiallar qalıbmı?

-        Əlimərdan bəy Topçubaşovun oğlu Ələkbər Topçubaşovla, Ceyhun bəy Hacıbəylinin oğlu Timurçinlə, Ümmülbanu xanımla, Əli bəy Hüseynzadənin oğlu Səlim Turanla və başqaları ilə Parisdə görüşərək onlardan arxivləri əldə etdim. Bundan başqa Fransanın Xarici İşlər Nazirliyində olan ADR-lə bağlı arxivi əldə etmişəm. Bu zəngin arxiv sənədlərini Bakıdakı Ədəbiyyat və İncəsənət Arxivinə təhvil vermişəm. Arxivə verdiyim Məmməd Əmin Rəsulzadənin Ceyhun bəy Hacıbəyliyə yazdığı 55 məktubu heç kəs araşdırmır və heç kəsin marağında deyil. Bu, biganəlikdir.

 

Rövşən Nəcəfov

BU KATEQORİYADAN OLAN DİGƏR XƏBƏRLƏR
+ Arxiv
“Türkiyəni qınayanlar evlərində rahat yatırlar” 14 Oktyabr 2019, 09:32 Türkdilli ölkələrin prezidentləri Bakıya toplaşır 14 Oktyabr 2019, 09:05 Şimali Kipr prezidenti rəsmi Ankaranı QƏZƏBLƏNDİRDİ 14 Oktyabr 2019, 08:57 Tənzilə Rüstəmxanlı: “Bizi biabır edən bu gənclər nə zaman yetişdi?” - MÜSAHİBƏ 14 Oktyabr 2019, 08:36 Dövlət Nəzarət Təhükəsizlik Departamenti... Adı vahimə yaradan, xüsusi geyim forması olan bu qurum nə işlər görür? - FOTOLAR 14 Oktyabr 2019, 08:13 Bu gün “Avro-2020”nin seçmə mərhələsində final kimi oyun: Fransa-Türkiyə - TƏQVİM 14 Oktyabr 2019, 08:11 “Avro-2020”nin seçmə mərhələsində daha 9 oyunun NƏTİCƏSİ 14 Oktyabr 2019, 08:01 Yeni robot fotoqraf işə başlayıb 14 Oktyabr 2019, 00:34 Niyam "Maşın"dan getdi: Laləni isə göz yaşları qorudu 14 Oktyabr 2019, 00:08 Bakıda jurnalist vəfat etdi 13 Oktyabr 2019, 23:57 Hakim səhvini etiraf edib Azərbaycandan ÜZR İSTƏDİ 13 Oktyabr 2019, 23:50 Makron təcili Təhlükəsizlik Şurasını topladı 13 Oktyabr 2019, 23:31 Suriya ordusu Türkiyəyə qarşı 13 Oktyabr 2019, 23:14 Vasim Məmmədəliyev vəfat edib 13 Oktyabr 2019, 22:56 "Ən çox oyunçularıma görə üzülürəm" - Nikola Yurçeviç  13 Oktyabr 2019, 22:38 Türkiyə Suriyada 525 terrorçunu zərərsizləşdirdi 13 Oktyabr 2019, 22:16 Millimiz hakim səhvinin qurbanı oldu - VİDEO 13 Oktyabr 2019, 21:57 Bakıda təkər emalı sexi yandı 13 Oktyabr 2019, 21:29 Azərbaycan idmançısı Olimpiya Oyunlarına lisenziya qazandı 13 Oktyabr 2019, 21:13 ABŞ hərbçilərini  Suriyadan çıxarmağa başlayıb 13 Oktyabr 2019, 20:47 Türkiyə ilə Ukrayna arasında diplomatik qalmaqal 13 Oktyabr 2019, 20:26 Türk Ordusu 59 məntəqəni terrorçulardan təmizləyib 13 Oktyabr 2019, 19:31 Tanınmış telejurnalistə ağır itki üz verib 13 Oktyabr 2019, 18:53 Müsavat Partiyasında yeni başqan məlum oldu - NƏTİCƏLƏR 13 Oktyabr 2019, 18:26 NASA-dan ürküdücü FOTOlar - "Dünya fəlakətə doğru gedir!" 13 Oktyabr 2019, 18:00 Tramp ABŞ qoşunlarının Suriyadan çıxarılması barədə əmr verdi 13 Oktyabr 2019, 17:52 Ocaq yandırdı, partlayışa səbəb oldu - Xəsarət alan var 13 Oktyabr 2019, 17:45 Bakıda 4 otaqlı ev yanıb 13 Oktyabr 2019, 17:36 Gəncədə ev yanıb, xəsarət alanlar var - FOTO   13 Oktyabr 2019, 17:22 Tanınmış müğənni Türkiyəyə köçdü 13 Oktyabr 2019, 17:07 Metroda tapdığı pulu polisin köməyi ilə sahibinə qaytardı   13 Oktyabr 2019, 16:50 Nursultan Nazarbayev Türk Şurasının fəxri sədri elan ediləcək   13 Oktyabr 2019, 16:30 Aliment ödənilməməsi minlərlə uşağı dözülməz duruma salır 13 Oktyabr 2019, 16:09 Mirhəsən Seyidov Türk Şurası Gənclər Platformasının prezidenti seçildi - FOTO 13 Oktyabr 2019, 16:00 Ərdoğan sabah Azərbaycana gəlir   13 Oktyabr 2019, 15:50