Noyabrın 17-də Masallı ərazisinə yağan güclü yağış rayon əhalisinə ciddi problemlər yaradıb. Belə ki, Təklə kəndində təxminən 30-dək evi sel suları basıb, həyətlərdə suyun hündürlüyünün yarım metrdən yuxarı olduğu bildirilir. Rayon Fövqəladə Hallar Komissiyasının məlumatına görə, sel nəticəsində əhaliyə və kəndə dəymiş ziyanın müəyyən edilməsi və problemin aradan qaldırılması istiqamətində işlər həyata keçirilir.
