Faktiki hava şəraitilə əlaqədar bəzi yollarda sürət həddi aşağı salınıb.
Bu barədə Modern.az-a Bakı Nəqliyyat Agentliyi (BNA) İctimai əlaqələr və maarifləndirmə şöbəsinin müdiri Mais Ağayev məlumat verib.
BNA rəsmisi bildirib ki, məqsəd nəqliyyat vasitələrinin təhlükəsiz hərəkətini təmin etməkdir:
“Bu səbəbdən də paytaxtın əsas magistral yolları Heydər Əliyev prospekti-Hava limanı və zığ dairəsi-Hava limanı yollarında hər iki istiqamətdə bütün zolaqlar üzrə sürət həddi 20 km/saat endirilib. Sürüclərə tövsiyə edilir ki, hərəkətdə olan zaman hava şəraitini nəzərə almaqla sürət həddinə əməl etsinlər”.