“Erməni katalikosu II Qaraginin Qafqaz Müsəlmanları İdarəsinin Gürcüstan nümayəndələyi ilə görüşəcəyi ilə bağlı bizdə məlumat yoxdur”. Bu sözləri Qafqaz Müsəlmanları İdarəsinin mətbuat xidmətinin rəhbəri Rəhimə Dadaşova erməni katalikosunun Tiflisə səfəri zamanı yerli dini icmalar, o cümlədən müsəlman icması ilə görüşü ilə bağlı yayılan məlumatları Modern.az-a şərh edərkən bildirib.
QMİ-nin nümayəndəsi vurğulayıb ki, katalikos Gürcüstanın rəsmi qonağıdır. “Qonaq Gürcüstanın rəsmi qonağıdır və onun orda kimlərlə görüşməsi bizi maraqlandırmır və biz bu barədə münasibət bildirmək istəmirik”-deyə R.Dadaşova qeyd edib.
Qeyd edək ki, məlumata görə, erməni katilokosu iyunun 10-da Gürcüstana səfər edəcək. Bu səfər çərçivəsində onun yerli dini icmalar, o cümlədən azərbaycanlı müsəlman icması ilə görüşün planlaşdırılır.
Aytən ƏLİYEVA
