Futbol üzrə Liviya milli komandasının dörd üzvü daxil olmaqla 17 futbolçu müxalifətin tərəfinə keçdiklərini bəyan ediblər. Modern.az bildirir ki, müxalifətin nəzarəti altında olan Hanfuza şəhərində olan futbolçilar bu barədə BBC-yə açıqlamalarında qərarlarını elan ediblər.
Qəddafiyə asi çıxan futbolçulardan dördü milli komandanın oyunçularıdır. Qeyd edək ki, milli komandanın baş məşqçisi Adil bin İssa da yetirmələri ilə birlikdə müxalifətə qoşulub.
Baş məşqçi bildirib ki, Qəddafi rejimindən artıq “doyub boğaza yığılıblar”. Baş məşqçi deyib ki, öz hərəkəti ilə o, Liviyanın bütöv və azad olması arzusunu göstərmək istəyir. Futbolçulardan biri isə deyib: “Mən səhər oyanıb görmək istəyirəm ki, Qəddafi artıq yoxdur”.
Şimali Afrikada futbolun hədsiz populayr olduğunu nəzərə alaraq müşahidəçilər hesab edir ki, bu addım Qəddafiyə böyük təbliğat zərbəsi olacaq.