Modern.az

Şimali Koreyaya qarşı yeni sanksiyalar

Şimali Koreyaya qarşı yeni sanksiyalar

10 Dekabr 2017, 23:43

Cənubi Koreya hökuməti Koreya Xalq Demokratik Respublikasına qarşı yeni sanksiyalar qəbul edib. Modern.az xarici mediaya istinadən xəbər verir ki, dekabrın 11-dən qüvvəyə minəcək sanksiyalar KXDR-in 20 şirkətinin və 12 vəzifəli şəxsinin “qara siyahı”ya salınması ilə bağlıdır. Bunlar əsasən Şimali Koreyanın bankları və logistika şirkətləri, onların xarici ölkələrdəki nümayəndələri, KXDR xüsusi xidmət orqanlarının xaricdəki əsas fiqurlarıdır. Cənubi Koreya rəsmiləri hesab edir ki, bu sanksiyalar adları “qara siyahı”da olan qurum və şəxslərlə biznes əməliyyatları aparmaq istəyənlərə xəbərdarlıq olmaqla, onları seçim qarşısında qoyacaq və bununla KXDR-ə xaricdən qeyri-qanuni maliyyə vəsaiti daxil olmasının qarşısını almağa kömək edəcək.

 

Cənubi Koreya hökuməti daha əvvəl KXDR-in 18 vəzifəli şəxsinin adını “qara siyahı”ya salmışdı.

 

Yeni saknsiyalar Şimali Koreyanın noyabrın 29-da baş tutan 6-cı və ən güclü raket sınağına cavab tədbirləri çərçivəsində qəbul olunub.

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir