Tələbə Qəbulu üzrə Dövlət Komissiyasının iyulun 16-da ali məktəblərə keçirdiyi IV ixtisas qrupu üzrə qəbul imtahanlarının təşkil olunduğu binaların qarşısı basabasla müşayiət olunub.
Modern.az-ın əməkdaşı Bakı Dövlət Uniiversitetinin qarşısında abituriyentləri imtahana gətirən valideynlər, qohumlar arasında yaşanan basabas zamanı ürəyi gedənlərin, halı pisləşənlərin olduğunu müşahidə edib. Belə məlum olur ki, basabasın yaranmasına səbəb bir abituriyentin yanınca imtahan keçirilən binanın qarşısına 4-5 nəfərin gəlməsidir. Basabasda günvurmaya məruz qalanlar da olub. Nəticədə imtahan binasının qarşısına çağırılan təcili tibbi yardım briqadalarının işi xeyli çətinləşib.
Modern.az
