2017-ci ildə Ədliyyə Nazirliyinin rayon (şəhər) qeydiyyat şöbələri tərəfindən Bakı şəhərində 30 373 nəfər, gündə təxminən 83 doğulmuş körpə qeydə alınıb. Modern.az “Trend”ə istinadən xəbər verir ki, bu göstərici əhalinin hər 1000 nəfərinə 13,5 təşkil edib. Doğulan körpələrin 346-ı əkiz, 4-ü üçəm olub.
Yeni doğulan körpələrin 52,5 faizi oğlan, 47,5 faizi isə qız uşaqlarından ibarət olub.
2017-ci ildə Bakı şəhərində 12 938 ölüm halı qeydə alınıb və əhalinin hər 1000 nəfərinə ölüm səviyyəsi 5,7 təşkil edib.
